انا بيت المودة وانت ركني
وجدم غيرك خطاني ونتركني
اذا عافاني كلبك ونتركني
عدلة ادفنها روحي بذنه أديه
___________
وحق كاف وهيا والعين والصاد
أنا لبابي أبد ما يوم وصاد
أصد اعلا اليجي ويروح والصاد
أدور شوفت الغالي عليا
___________
حبيبي ارجوك تسمعني بهاداي
تراها الروح معلوله بهاداي
الك هالعين ارسلها بهاداي
بس ارجوك كلبي تعوفه اليه
___________
بظلم قانون روحي منسنلها
سبوها وصار اكثر منسنلها
افرحت مابان ضحكت منسنلها
لان كل الالم والهم عليه
___________
عجب دنياي تبليني بشرها
وعليه تغيرت هي وبشرها
فرح للناس شو تعلن بشرها
وانا بشراها زفت بس اذيه
___________
زلازل ماتهز كلبي ..........ولعصار
وطحن ماأثر بحالي..........ولعصار
لجن حاله اصبحت عندي......ولعصار
تذوب الروح من تجبل عليه
___________المصايب يابشر بالـــروح دون
وعلى فراك الاريده صــرت داون
مدريت لشجراله والـــداء وين
تركني للزمن يلعب عليــــــه
***********
اذا متعرف شنهو العشك سل بـــي
واعرفك لليحبك دوم سلبـــــــي
عذابك خله بالدلال سل بـــــــي
لاانه اللك ولا انته ليــــــــه
**********
بغرامك خذني يامحبوب ودنــــــي
ولاتبعد عن اليهواك ودنــــــــي
اظن كلبك هواني بصدق ودنــــــي
ليش الخجل موكافي اذيـــــــــه
***********
طحت ماوجدت اليمنى ويســـــره
وعذابه للكلب ينخر ويســـــره
تكولولي يبعد العسر يســـــره
وين اليسر راح وكطع بيــــــه
البوابة 
أحدث الصور 
لرفع الصور والملفات 
موضوع: أبوذيات عراقية تخبل 
الأربعاء مارس 25, 2009 5:27 pm
